chhattisgarh: सीएम बघेल ह अपन जन्मदिन म वीडियो कांफ्रेंसिंग ले शुभचिंतक अउ प्रशंसक मन ले स्वीकार करिन शुभकामना

जय जोहार…. (chhattisgarh) मुख्यमंत्री भूपेश बघेल ह आज अपन जन्मदिन म वीडियो कांफ्रेंसिंग ले अपन शुभचिंतक अउ प्रशंसक मन ले रूबरू होय हे अउ ओखर मन ले शुभकामना स्वीकार करे हे। ए दौरान सीएम बघेल ह सबो लोगन मन ल ओखर शुभेच्छा बर धन्यवाद दे हे।

कोरोना संकट ल देखत हुये सीएम भूपेश बघेल ह आज अपन निवास कार्यालय म राज्य (chhattisgarh) के अलग-अलग जिला अउ विकासखंड मुख्यालय म उपस्थित जनप्रतिनिधि, कार्यकर्ता अउ नागरिक मन ले वीडियो कांफ्रेंसिंग ले आनलाइन जुड़ के सब मन के अभिवादन अउ शुभकामना ल स्वीकार करे हे।

सीएम निवास म कृषि मंत्री रविन्द्र चौबे, महिला अउ बाल विकास मंत्री अनिला भेंड़िया, उद्योग मंत्री कवासी लखमा, (chhattisgarh) लोकसभा सांसद दीपक बैज, राज्यसभा सांसद छाया वर्मा, राज्य महिला आयोग के अध्यक्ष किरणमयी नायक, संसदीय सचिव शकुन्तला साहू, अंबिका सिंह देव, डॉ. लक्ष्मी ध्रुव, रश्मि आशीष सिंह, विधायक संगीता सिन्हा, नगर निगम रायपुर के महापौर ऐजाज ढेबर समेत आन कांग्रेस नेता मन ह उपस्थित रहिन।