Assembly monsoon session: खराब बीज आपूर्ति करइया कंपनी के खिलाफ सरकार करही कार्रवाई, सदन म कृषि मंत्री ह दे हे जवाब

जय जोहार…. (Assembly monsoon session) छत्तीसगढ़ म किसान मन ल खराब बीज के सप्लाई करइया कंपनी के खिलाफ सरकार ह कार्रवाई करही। संगेसंग ए कंपनी ल ब्लैक लिस्टेड घलो करे जाही। ये बात कृषि मंत्री रविंद्र चौबे ह विधानसभा म ध्यानाकर्षण म विपक्ष के धान अऊ मक्का बीज खरीदी के मुद्दा म उठाय जाय के जबाव म कहिस।
नेता प्रतिपक्ष धरम लाल कौशिक ह कहिन कि ऑर्डर दे के बावजूद बीज के सप्लाई ह समय म नई होइस। बीज के गुणवत्ता के जांच घलो नई होय हे। (Assembly monsoon session) ए म कृषि मंत्री रविंद्र चौबे ह कंपनी म कार्रवाई करे जाय के बात कहिस।
(Assembly monsoon session) उहचे पूर्व मुख्यमंत्री डॉ रमन सिंह ह खैरागढ़ जल आवर्धन योजना म अनियमितता के मुद्दा ल उठइस, एखर जवाब देवत हुये नगरीय प्रशासन मंत्री शिव डहरिया ह कहिन कि खैरागढ़ जल आवर्धन योजना के काम ह नियमानुसार करे गे हे।