chhattisgarh: सीएम भूपेश बघेल ह प्रधानमंत्री नरेंद्र मोदी ल लिखे हे पत्र, करिन ये आग्रह
जय जोहार…. (chhattisgarh) सीएम भूपेश बघेल ह प्रधानमंत्री नरेंद्र मोदी ल पत्र लिखे हे। एमा बस्तर के नगरनार स्टील प्लांट के निजीकरण के निर्णय म पुन: विचार करे के अनुरोध करे हे।
सीएम बघेल ह पत्र म लिखे हे कि एनएमडीसी के तरफ ले लगभग 20 हजार करोड़ रूपिया ले जादा के लागत ले बस्तर म निर्माणाधीन नगरनार स्टील प्लांट के निकट भविष्य म प्रारंभ होना संभावित हे।
(chhattisgarh) ए स्टील प्लांट के सुरू होवत ही बस्तर के बहुमूल्य खनिज सम्पदा के दोहन बस्तर स्थित एनएमडीसी के नगरनागर स्टील प्लांट म उपयोग ले राष्ट्र निर्माण म अपन अमिट सहयोग प्रदान होय अऊ ए औद्योगिक इकाई के शुभारंभ होय ले क्षेत्र म हजारो प्रत्यक्ष अउ अप्रत्यक्ष रोजगार के अवसर उपलब्ध होय के संभावना ले गौरान्वित महसूस करत रहिस।
लेकिन विगत दिनों कुछु समाचार पत्र अउ आन माध्यम ले ये जानकारी प्राप्त होय हे कि केंद्र सरकार ह बस्तर के नगरनार स्टील प्लांट ल निजी लोगन मन के हाथ म बेचे के तैयारी म हे।
ये अत्यंत दुर्भाग्यजनक होही कि छ्त्तीसगढ़ (chhattisgarh) के आदिवासी अंचल म सार्वजनिक क्षेत्र के प्रस्तावित स्टील प्लांट के निजीकरण करे जाए। केंद्र सरकार के ए कदम ले लाखो आदिवासी मन के उम्मीद अऊ आकांक्षा ल गहरा आघात पहुंचही।
