corona: राजनांदगांव महापौर अऊ ओखर बेटा पाय गे हे कोरोना संक्रमित, सोशल मीडिया म खुद दे हे जानकारी

जय जोहार…. प्रदेश म कोरोना (corona) संक्रमित मन के संख्या ह सरलघा बाढ़त जावत हे। राजनांदगांव के महापौर हेमा देशमुख अऊ ओखर बेटा कोरोना संक्रमित पाय गे हे। संक्रमित कांग्रेस नेता मन के संपर्क म आय के बाद बुधवार के शाम ले स्वयं ल क्वारेंटाइन कर ले रहिस।

बुधवार के महापौर अऊ ओखर बेटा ह कोरोना (corona) जांच कराय रहिस। कोरोना के लक्षण ना दिखे बाद घलो ओखर रिपोर्ट ह आज पाजिटिव आय हे। एखर जानकारी महापौर ह खुद सोशल मीडिया म दे हे।

उहचे ओखर पति पूर्व महापौर सुदेश देशमुख ह घलो कोरोना (corona) जांच करवाय हे, जेखर रिपोर्ट ह सनिच्चर तक आय के संभावना हे। महापौर ह सोशल मीडिया म संपर्क म आए लोगन मन ले होम क्वारेंटाइन होय के बाद कहे हे। संगेसंग जल्द कोविड जांच कराय के अपील करे हे।