बीजापुर। नक्सली मन के खेलाफ सुरक्षा बल मन ल बड़ कामयाबी हाथ लगिस हे। पुलिस नक्सली मुठभेड़ म 8 नक्सली मारे गिस। मारे गे नक्सली मन म 3 महिला अउ 5 पुरुष नक्सली सामिल हे।
दंतेवाड़ा अउ बीजापुर जिला मन के बॉर्डर म डीआरजी अउ एसटीएफ के जवान मन सर्चिंग म निकले रहिन हे, इहीं दउरान नक्सली मन के संग मुठभेड़ हो गिस । डीआरजी अउ सुरक्षा बल के जवान मन ह 8 नक्सली मन ल मार गिराइस। येखर बाद घटना स्थल बर अतिरिक्त पुलिस बल ल रवाना करे गिस हे।
ये मुठभेड़ ह बीजापुर अउ दंतेवाड़ा जिला के बॉर्डर म स्थित गंगालूर थाना क्षेत्र म होय रिहिस हे। एनकाउंटर म ढेर सबो नक्सली मन के सव बरामद कर ले गिस हे। दंतेवाड़ा के एएसपी नक्सल ऑपरेशन जीएन बघेल ह येखर पुस्टि करिस हे। नक्सली मन के तीर ले इंसास राइफल, दो थ्री नॉट थ्री राइफल, एक 12 बोर राइफल समेत भारी मात्रा म हथियार बरामद होइस हे।
