bilaspur: कोरोना ले सीपत थाना प्रभारी के हो गे मौत, रायपुर एम्स म रहिस भर्ती

जय जोहार…. बिलासपुर (bilaspur) जिला ले कोरोना ले जुड़े एक बड़का खबर आवत हे। सीपत थाना प्रभारी मानसिंह राठिया के कोरोना संक्रमण ले मौत हो गे। टीआई ह 26 अगस्त के कोरोना पाजिटिव पाय गे रहिस।

एखर बाद ओला रायपुर एम्स म इलाज बर भर्ती करे गे रहिस। इतवार बिहिनिया 9.30 बजे ओखर निधन हो गे। (bilaspur) बतावत जात हे कि मानसिंह राठिया ल शुगर अऊ बीपी के समस्या रहिस।

बता दन कि (bilaspur) ग्राम नागदरहा, धर्मजयगढ़ के रहवइया मानसिंह राठिया ह साल 1982 म आरक्षक के पद पर नियुक्त होय रहिस। साल 2013 म निरीक्षक बने रहिस। ओ हा सीपत प्रभारी के पद म पदस्थ रहिस।

कोरोना काल म ओ हा सरलघा सक्रीय रहिस। ए दौरान संक्रमित हो गे। आज अस्पताल म ओखर इलाज के दौरान मौत हो गे।