korba: माकपा ह वर्षा प्रभावित ग्रामीण मन ल तुरंत राहत दे के करिन मांग
जय जोहार…. कोरबा (korba) जिला म सरलघा तीन दिन ले होवत बारिश सती ग्रामीण बस्ती ह जलमग्न हो गे हे। ग्रामीण मन के कच्चा मकान ल काफी नुकसान पहुंचे हे। संगेसंग जलजनित बीमारी फैले के संभावना घलो बाढ़ गे हे।
बारिश प्रभावित बस्ती म कोरबा (korba) नगर निगम के अंतर्गत अवइया मोंगरा बस्ती, बांकी बस्ती, पुरैना, मड़वाढोढा, गंगानगर अऊ भैरोताल घलो शामिल हे। ए स्थिति ले निपटे बर मार्क्सवादी कम्युनिस्ट पार्टी ह बारिश प्रभावित बस्ती म ग्रामीण मन त तुरंत राहत पहुंचाय के मांग करे हे।
माकपा के कोरबा (korba) जिला सचिव प्रशांत झा ह बताइस कि माकपा पार्षद सुरती कुलदीप अऊ राजकुमारी कंवर के नेतृत्व म पार्टी के एक दल ह वर्षा प्रभावित क्षेत्र के दौरा करिन। ए दौरान बारिश ले तबाही के जायजा लिस।
माकपा दल के रिपोर्ट हे कि बारिश सती ग्रामीण मन के घर ल काफी नुकसान पहुंचे हे अऊ कई कच्चा मकान आधा ढह गे हे। ए नुकसान सती लोगन मन के घर म रहना खतरनाक हो गे हे।
