corona: सरलघा बाढ़त जावत हे कोरोना संक्रमण, प्रदेश म फेर मिले हे 1115 नवा मरीज, राजधानी म घलो 518 पाजिटिव
जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म आज देर शाम कोरोना के 1115 नवा मरीज मिले हे।
उहचे 485 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 7 लोगन मन के जान चले गे हे।
आज जेन कोरोना (corona) के नवा मरीज मिले हे, ओमा रायपुर ले 518, बिलासपुर ले 102, राजनांदगांव ले 82, दुर्ग ले 72, सरगुजा ले 58, जांजगीर-चांपा ले 42, सूरजपुर ले 35, बलौदाबाजार ले 34, रायगढ़ ले 33, कबीरधाम ले 24, गरियाबंद अऊ जशपुर ले 13-13, बेमेतरा, धमतरी, महासमुंद अऊ कोरबा ले 12-12, नारायणपुर ले 11, बालोद ले 10, मुंगेली अऊ बलरामपुर ले 4-4, कोरिया अऊ दंतेवाड़ा ले 3-3, बीजापुर अऊ आन राज्य ले 2-2, कोण्डागांव अऊ कांकेर ले 1-1 मरीज शामिल हे।.
बता दन कि प्रदेश म कोरोना (corona) संक्रमित मन के कुल संख्या ह बाढ़ के 29861 पहुंच गे हे। जेमा ले 13289 एक्टिव मामला हे।
उहचे 16303 लोगन मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। ए वायरस ले प्रदेश म अब तक 269 लोगन मन के मौत हो गे हे।
