corona : छत्तीसगढ़ म होय हे कोरोना के 1346 नवा मरीज के पहचान, 485 लोगन मन ह होइस डिस्चार्ज
जय जोहार…. प्रदेश म इतवार के देर रात कोरोना (corona) के अऊ 231 नवा मरीज मिले हे। एखर पहिले देर शाम 1115 नवा मरीज के पहचान होय हे।
प्रदेश म इतवार के कुल 1346 नवा मरीज मिले हे। उहचे 485 लोगन मन ल बने होय के बाद डिस्चार्ज कर दे गे हे। जबकि सात लोगन मन के मौत हो गे हे।
आज देर रात जेन कोरोना (corona) के नवा मरीज मिले हे, ओमा रायपुर ले 151, महासमुंद ले 19, सूरजपुर ले 14, बस्तर ले 12, रायगढ़ ले 11, बेमेतरा ले 07, बालोद ले 6, कबीरधाम ले 03, दुर्ग, गरियाबंद अऊ कोरबा ले 2-2, धमतरी अऊ बलौदाबाजार ले 1-1 मरीज शामिल हे।
बता दन कि प्रदेश म कोरोना (corona) संक्रमित मन के कुल संख्या 30 हजार ले जादा हो गे हे। जेमा ले 13520 एक्टिव मामला हे।
उहचे 16303 लोगन मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। ए वायरस ले प्रदेश म अब तक 269 लोगन मन के मौत हो गे हे।
