chhattisgarh: जनसंपर्क आयुक्त तारन प्रकाश सिन्हा पाय गे हे कोरोना पाजिटिव, खुद ट्वीट कर दे हे जानकारी
जय जोहार…. छत्तीसगढ़ (chhattisgarh) ले कोरोना ले जुड़े एक बड़का खबर सामने आवत हे। जनसपंर्क आयुक्त तारन प्रकाश सिन्हा के रिपोर्ट ह पाजिटिव आय हे। एखर जानकारी ल जनसंपर्क आयुक्त ह खुद ट्वीट कर दे हे।
जनसंपर्क आयुक्त सिन्हा ह अपन ट्वीट म लिखे हे कि मोर कोरोना वायरस टेस्ट ह पाजिटिव आय हे, जबकि मे हा ठीक हों। मे हा ओ लोगन मन ले कोरोना जांच कराय के अनुरोध करत हों, जेन हाल म मोर संपर्क म आय हे। आप मन ह सबो स्वस्थ रहे अऊ देखभाल करे।
(chhattisgarh) तारन प्रकाश सिन्हा ह कोरोना पाजिटिव आय वाला छठा आईएएस हे। ओखर पहिले नीलेश क्षीरसागर, कुंदन सिंह, जयवर्धने, रजत कुमार, नन्दनवार के रिपोर्ट ह पाजिटिव आ चुके हे।
बता दन कि राज्य म बीते 24 घंटा म कोरोना के 1346 नवा मरीज मिले हे। (chhattisgarh) जेमा राजधानी ले 669 मरीज शामिल हे। उहचे 485 मरीज मन ल बने होय के बाद अस्पताल ले डिस्चार्ज कर दे गे हे।
