corona: धमतरी जिला म होय हे कोरोना के 36 नवा मरीज के पहचान, जिला जेल म घलो 24 पाजिटिव

जय जोहार…. धमतरी जिला म कोरोना (corona) संक्रमित मरीज मन के संख्या ह सरलघा बाढ़त जावत हे। जिला म आज कोरोना के 36 नवा मरीज मिले हे। जेमा ले जिला ले 24 अऊ धमतरी शहर ले 12 संक्रमित शामिल हे।

एखर पुष्टि करत हुये जिला के मुख्य स्वास्थ्य अऊ चिकित्सा अधिकारी डॉ. डीके तुर्रे ह बताइस कि जिला जेल ले 24 कैदी ह (corona) संक्रमित मिले हे। जे मन ल जेल म ही अलग बैरक बना के रखे गे हे। उहचे धमतरी शहर ले 12 संक्रमित मन के पहचान होय हे। सबो 12 संक्रमित मन ल धमतरी के कोविड अस्पताल म भर्ती करे जाही।

जिला सर्विलांस अधिकारी डॉ विजय फूलमाली ह बताइस के धमतरी जिला जेल ले 24 कैदी ह कोरोना (corona) पाजिटिव मिले हे। उहचे धमतरी शहर ले 12 नवा मरीज मन के पुष्टि होय हे, जेमा रिसाईपारा, रत्नाबांधा, सोरिद, बालक चौक, लाल बगीचा, रामबाग, पोस्ट आफिस अऊ आन जगह ले 1-1 संक्रमित मिले हे। उहचे अर्जनी ले 1 अऊ रूद्री ले 2 संक्रमित के पहचान होय हे।