corona: गोवा के मुख्यमंत्री प्रमोद सावंत पाय गे हे कोरोना पाजिटिव, ट्वीट कर दे हे जानकारी

जय जोहार…. कोरोना ले जुड़े बड़का खबर सामने आवत हे। गोवा के मुख्यमंत्री प्रमोद सावंत के कोरोना (corona) रिपोर्ट ह पाजिटिव आय हे। ए जानकरी ल सीएम सांवत ह खुद ट्वीट कर दे हे।

सीएम सावंत ह अपन ट्वीट म कहिन कि सबो ल सूचित करना चाहत हों कि मे हा कोरोना (corona) पाजिटिव पाय गे हों। मे हा असिम्टोमेटिक हों अऊ एखर सती होम क्वारंटीन हावव। जेन लोगन मन ह मोर संपर्क म आय हे, ओ मन ल आवश्यक सावधनी बरते के सलाह दे जात हे।

बता दें कि देश म पिछिले 24 घंटा म कोरोना (corona) के 78357 नवा मामला सामने आय हे। जेमा ले 1045 लोगन मन के मौत हो गे हे। एखर संग देश म कोरोना संक्रमित मन के कुल संख्या ह 37 लाख 69 हजार 524 पहुंच गे हे।

जेमा ले 8 लाख 1 हजार 282 एक्टिव मामला हे। उहचे 29 लाख 1 हजार 909 लोगन मन ह कोरोना ल मात दे दे हे, जेखर बाद ओ मन डिस्चार्ज कर दे गे हे। ए वायरस ले देश म अब तक 66333 लोगन मन के मौत हो गे हे।