इज ऑफ डूइंग बिजनेस म छत्तीसगढ़ ल देश म मिले हे छठवां स्थान

जय जोहार…. भारत सरकार के वित्त, वाणिज्य अऊ उद्योग मंत्रालय के तरफ ले सनिच्चर के संयुक्त रूप ले इज ऑफ डूइंग म राज्य के रैंकिंग जारी करे गे हे। इज ऑफ डूइंग बिजनेस मामला म छत्तीसगढ़ राज्य ल देश म छठवां स्थान प्राप्त होय हे।

ये रैंकिंग ल देश म कारोबारी माहौल ल अऊ बेहतर बनाय के दिशाम म बिजनेस सुधार के कार्य के योजना ल लागू करने के आधार म जारी करे गे हे। जेमा पहला स्थान म आंध्रप्रदेश हे। पिछले बार ये रैंकिंग ल साल 2018 म जारी करे गे रहिस।

मंत्रालय के तरफ ले जारी रैंकिंग म उत्तर प्रदेश ल दूसर, तेलंगाना ल तीसर, मध्यप्रदेश ल चौथइया, झारखंड ल पांचवां स्थान मिले हे। छत्तीसगढ़ ह छठवां स्थान हासिल करे हे। हिमाचल प्रदेश ल सातवां, राजस्थान ल आठवां, पश्चिम बंगाल ल नौवां अऊ गुजरात ल दसवां स्थान मिले हे।