chhattisgarh म मनरेगा भुगतान बर 67.1 करोड़ रूपिया के मिले हे स्वीकृति
जय जोहार…. छत्तीसगढ़ (chhattisgarh) म मनरेगा श्रमिक मन के मजदूरी भुगतान बर केंद्रीय ग्रामीण विकास मंत्रालय ह 67 करोड़ एक लाख रूपिया स्वीकृत करे हे। प्रदेश म चालू वित्तीय वर्ष 2020-21 म मनरेगा के अंतर्गत अब तक 26 लाख 9 हजार परिवार मन ल सीधा रोजगार उपलब्ध कराय गे हे
अऊ 2148 करोड़ 70 लाख रूपिया ले जादा के मजदूरी भुगतान ल करे जा चुके हे। एमा राज्य (chhattisgarh) सरकार के तरफ ले मनरेगा श्रमिक मन ल उपलब्ध कराय गे 50 अतिरिक्त दिन के रोजगार के एवज म 96 करोड़ 33 लाख रूपिया के मजदूरी भुगतान घलो शामिल हे।
राज्य (chhattisgarh) मनरेगा आयुक्त कार्यालय के अधिकारी मन ह बतइस कि भारत सरकार के तरफ ले मजदूरी मद ले ए वर्ष अब तक कुल 2271 करोड़ 89 लाख रूपिया स्वीकृत करे गे हे। एमा 67 करोड़ एक लाख रूपिया के स्वीकृति ह अभी 4 सितंबर के मिले हे।
