रायपुर। स्वास्थ्यगत कारन मन ले दिल्ली म इलाज करवात रहिन जोगी कांग्रेस सुप्रीमो अउ पूरव मुख्यमंत्री अजीत जोगी 52 दिन के बाद शुक्रवार के दुपहर म रायपुर लउट आइन। उंखर स्वागत बर एयरपोर्ट म सैकड़ों समरथक पहुंतिन। उहें उंखर स्वागत ल लेके कारयकरता मन म अतना उत्साह रहिस के 300 ले जादा कारयकरता वीआइपी लाउंज म पहुंच गे। येती उंखर स्वागत बर सहर म एक दरजन ले जादा जगा मन म मंच बनाय गिस हे। उमन कतको जगह मन म सिक्का, नारियल अउ लड्डू ले तउले जाही। प्रदेस भर ले 10 हजार ले जादा कारयकरता स्वागत बर रायपुर पहुंचे हे।
बता दन के स्वस्थ होके लउट जोगी के वापसी ल ऐतिहासिक बनाय बर जोगी कांग्रेस इला शक्ति प्रदरसन के रुप म लेवत हे। पार्टी ल निरवाचन आयोग ह चुनाव चिन्ह के रूप म हल चलाता किसान देय हे।
