chhattisgarh: कोरोना संक्रमण के जांच बर स्वास्थ्य विभाग ह जारी करिन नवा दिशा-निर्देश

जय जोहार…. राज्य (chhattisgarh) सरकार ह कोविड-19 के जांच बर नवा दिशा अऊ निर्देश जारी करे हे। राज्य कोविड कंट्रोल एंड कमांड सेन्टर के तकनीकी समिति के अनुशंसा म प्रदेश म कोविड-19 जांच के रणनीति ल संशोधित करे गे हे।

(chhattisgarh) स्वास्थ्य विभाग के अपर मुख्य सचिव रेणु जी पिल्ले ह सबो संभाग के आयुक्त अऊ कलेक्टर मन ल परिपत्र जारी करे हे, एमा कोरोना संक्रमित मन के पहचान बर नवा दिशा अऊ निर्देश के अनुसार जांच सुनिश्चित करे के निर्देश दे हे।

नवा दिशा अऊ निर्देश के मुताबिक कोरोना संक्रमित व्यक्ति के प्राइमरी कान्टैक्ट म आय अईसे लोगन मन ह जेमा संक्रमण के लक्षण ह दिखत हे, ओखर जांच करे जाही।
(chhattisgarh) उच्च जोखिम वर्ग म अवइया बिना लक्षण के प्राइमरी कांटैक्ट जईसे 65 साल ले जादा आयु वर्ग, इम्युनो- काम्प्रोमाइज्ड अऊ को-मोरबीडीटीज ग्रस्त, मधुमेह, उच्च रक्तचाप, कैंसर, किडनी रोग, सिकलसेल रोग ले प्रभावित व्यक्ति अऊ गर्भवती महिला मन के जांच घलो करे जाही।

स्वास्थ्य विभाग ह बुखार, सर्दी, खांसी अऊ सांस ले म तकलीफ, श्वसन संबंदी गंभीर बीमारी ले पीड़ित अऊ निमोनिया के भर्ती मरीज मन के जांच के निर्देश दे हे।