Balodabazar जिला म मिले हे कोरोना के 90 नवा मरीज, 5 मरीज मन ह होइस डिस्चार्ज

जय जोहार…. बलौदाबाजार (Balodabazar) जिला म कोरोना संक्रमित मन के संख्या ह सरलघा बाढ़त जावत हे। ए जिला म आज कोरोना के 90 नवा मरीज मिले हे। उहचे 5 मरीज मन ल बने होय के बाद अस्पताल ले डिस्चार्ज कर दे गे हे।

(Balodabazar) मुख्य चिकित्सा अऊ स्वास्थ्य अधिकारी डॉ. खेमराज सोनवानी ह बताइस कि आज कसडोल विकासखण्ड ले 32, पलारी विकासखण्ड ले 21, बलौदाबाजार विकासखण्ड ले 18, भाटापारा विकासखण्ड ले 12, बिलाईगढ़ ले 3 अउ सिमगा ले 2 मरीज मिले हे।

बता दन कि (Balodabazar) जिला म कोरोना संक्रमित मन के कुल संख्या ह 1916 पहुंच गे हे। जेमा ले 959 एक्टिव मामला हे। उहचे 935 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 22 लोगन मन के मौत हो गे हे।