corona के कहर, देश म पिछिले 24 घंटा म मिले हे 97 हजार ले जादा नवा मरीज, 1132 लोगन मन के हो गे मौत

जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। देश म पिछिले 24 घंटा म कोरोना के 97 हजार ले जादा नवा मरीज के पहचान होय हे।

उहचे 82719 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1132 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म 97894 नवा मामला मिले हे। एला मिला के देश म कोरोना (corona0 संक्रमण के कुल मामला ह बाढ़ के 51 लाख 18 हजार 252 पहुंच गे हे।

जेमा ले 10 लाख 9 हजार 976 एक्टिव मामला है। उहचे 40 लाख 25 हजार 80 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 83198 लोगन मन के मौत हो गे हे।