chhattisgarh के सबो धान खरीदी केद्र मन म होही चबूतरा के निर्माण, पढो पूरा खबर

जय जोहार…. (chhattisgarh) सीएम भूपेश बघेल के निर्देश म राज्य के सबो धान खरीदी केंद्र म बारिश ले धान ल बचाय, सुविधाजनक अऊ व्यवस्थित रूप ले धान खरीदी कार्य बर चूबतरा के निर्माण करे जावत हे। प्रदेश के 2048 धान खरीदी केंद्र म चबूतरा निर्माण बर पहिला चरण म 4649 चबूतरा के निर्माण के स्वीकृति दे गे रहिस। एमा 4630 चबूतरा के निर्माण करे जा चुके हे।

पंचायत अऊ ग्रामीण विकास विभाग के तरफ ले सबो कलेक्टर अऊ जिला कार्यक्रम समन्वयक मन ल द्वितीय चरण म धान खरीदी केंद्र म चबूतरा निर्माण बर स्थल के चिन्हांकन के निर्देश दे हे।

बता दन कि सीएम भूपेश बघेल के अध्यक्षता म हाल म आयोजित छ्त्तीसगढ़ (chhattisgarh) ग्रामीण रोजगार गारंटी परिषद के राज्य स्तरीय समीक्षा बइठक म प्रेदश म संचालित सबो धान खरीदी केंद्र म न्यूनतम चार चबूतरा बनाय जाय बर नीतिगत निर्णय ले गे हे।

(chhattisgarh) पंचायत अऊ ग्रामीण विकास के प्रमुख सचिव गौरव द्विवेदी ह ए संबंध म सबो जिला के कलेक्टर अऊ जिला कार्यक्रम समन्वयक मन पत्र लिके हे। ए पत्र म धान खरीदी केंद्र म पूर्व म बनाय गे चबूतरा के भौतिक सत्यापन अऊ नवा चबूतरा निर्माण के आंकलन करे के निर्देश दे हे।