जय जोहार…. (Chhattisgarh) राज्य स्वच्छता पुरस्कार 2020 के तहत सामुदायिक शौचालय के उत्कृष्ट ड्राइंग-डिजाइन प्रतियोगिता बर प्रविष्टि भेजे के आखिरी तारिख अब 25 सितम्बर कर दे गे हे।
राज्य स्वच्छ भारत मिशन (ग्रामीण) के तरफ ले ए स्पर्धा म जादा ले जादा प्रतिभागी मन ल हिस्सा ले के मऊका दे बर आखिरी तारिख ल बढ़ाय गे हे। एखर पहिले प्रविष्टि भेजे बर आखिरी तारिख 20 सितम्बर तय करे गे रिहिस।
(Chhattisgarh) मिशन के तरफ ले राज्य स्वस्छता पुरस्कार 2010 के तहत साढ़े तीन लाख रुपया, साढ़े चार लाख रुपया अऊ साढ़े पांच लाख रुपया के लागत के सामुदायिक शौचलाय के सर्वश्रेष्ठ मॉडल ल क्रमश: एक लाख रुपया, सवा लाख रुपया अऊ पौने दू लाख रुपया के नगद पुरस्कार दे जाही।
(Chhattisgarh) प्रतियोगिता बर पंजीयन, नियम अऊ शर्त ल मिशन के वेबसाइट www. sbmgcg.in म देखे जा सकत हे। विजेता प्रतिभागी मन ल गांधी जयंती म 2 अक्टूबर के पुरस्कार दे जाही। प्रतियोगिता म भाग ले बर राज्य स्वच्छ भारत मिशन (ग्रामीण) के वेबसाइट www.sbmgcg.in म सीधा प्रविष्टि करे जा सकत हे।
No Comment! Be the first one.