dhamtari जिला म मिले हे कोरोना के 38 नवा मामला, एक संक्रमित के हो गे मौत

जय जोहार…. धमतरी (dhamtari) जिला म कोरोना संक्रमित मरीज मन के संख्या ह कम होय के नाम नई लेवत हे। ए जिला म आज कोरोना के 38 नए मरीज मन के पहचान होय हे। उहचे 39 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान एक मरीज के मौत हो गे हे।

जिला स्वास्थ्य समिति धमतरी (dhamtari) ले जारी आंकड़ा के मुताबिक आज धमतरी शहरी ले 19, कुरुद ब्लाक ले 14 अऊ गुजरा ले 5 नवा मरीज मिले हे। उहचे एक संक्रमित के मौत हो गे हे।

बता दन कि ए (dhamtari) जिला म कोरोना संक्रमित मन के कुल संख्या ह बाढ़ के 1535 पहुंच गे हे। जेमा ले 834 एक्टिव मामला हे। उहचे 679 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 24 लोगन मन के जान चले गे हे।