congress ह मरवाही उपचुनाव बर नियुक्त करिन चार प्रभारी पदाधिकारी, पढो पूरा खबर

जय जोहार…. कांग्रेस (congress) ह मरवाही विधानसभा उपचुनाव बर चार प्रभारी प्रदाधिकारी मन के नियुक्ति करे हे। ओ मन ल बूथ स्तर म कांग्रेस संगठन ल मजबूत बनाय के जिम्मेदारी ल दे गे हे।

पीसीसी के प्रभारी महामंत्री (संगठन) चंद्रशेखर शुक्ला ह प्रभारी पदाधिकारी मन के नियुक्ति आदेश ल जारी करे हे। जारी आदेश के अनुसार पूरा मरवाही विधानसभा ल चार जोन म बांट के एक-एक जान बर प्रभारी पदाधिकारी मन के नियुक्ति करे गे हे।

एखर तहत पेंड्रा क्षेत्र के जिम्मेदारी (congress) विधायक मोहित केरकेट्टा ल दे गे हे। जबकि गौरेला क्षेत्र के जिम्मेदारी अर्जुन तिवारी ल दे गे हे। अइसने दक्षिण मरवाही क्षेत्र के जिम्मेदारी बिलासपुर के विधायक शैलेष पाण्डेय अऊ उत्तर मरवाही क्षेत्र के जिम्मेदारी उत्तम वासुदेव ल दे गे हे।

(congress) प्रभारी महामंत्री (संगठन) चंद्रशेखर शुक्ला के अनुसार मरवाही उपचुनाव म बूथ स्तर म पार्टी संगठन के कार्यक्रम ल सुचारू संचालन बर पीसीसी अध्यक्ष मोहन मरकाम के आदेश के अनुसार ये नियुक्ति ल करे गे हे। एखर तहत मरवाही विधानसभा ल अलग-अलग क्षेत्र म विभाजित कर चार कांग्रेस नेता ल बूथ स्तर म संगठन ल मजबूत करे के जिम्मेदारी दे गे हे।