Chhattisgarh: संकट के घड़ी म संविदा स्वास्थ्य कर्मी मन ल बर्खास्त करना शर्मनाक हे: आम आदमी पार्टी
जय जोहार…. (chhattisgarh) आम आदमी पार्टी के यूथ विंग के प्रदेश अध्यक्ष तेजेंद्र तोड़ेकर ह कहिन कि पूरा प्रदेश म 13 हजार एनएमएच संविदा स्वास्थ्य कर्मी मन ह अपन जायज मांग ल ले के हड़ताल करत हे। कोरोना महामारी के समय स्वास्थ्य कर्मी मन के हड़ताल म जाना सही नई हे।
सरकार ल जल्दी एखर मन के मांग ल सुन के अपन वादा के अनुसार नियमित करना चाही, ताकि स्वास्थ्य कर्मी ह जल्दी अपन काम म वापस जा सके, लेकिन प्रदेश सरकार ह संविदा कर्मी मन के मांग ल पूरा करना छोड़ के ओ मन ल बर्खास्त करे के आदेश जारी करत हे, जेन बेहद शर्मनाक हे। वो हा कहिन कि स्वास्थ्य कर्मी के दू मांग नियमितीकरण अऊ बीमा कवर हे, जेन जायज मांग हे।
(chhattisgarh) वो हा कई संविदा स्वास्थ्य कर्मी मन ले बात करे हे, एमा कई लोगन मन ह 15-20 साल ले संविदा के नौकरी करत हे अऊ नियमित कर्मचारी मन के अपेक्षा ए लोगन म काम के दबाव जादा रहत हे। कई के पास त अब उम्र सीमा घलो नई बचे हे, वो मन नियमित पद म अप्लाई कर सके।
(chhattisgarh) वो हा कहिन कि संविदा स्वास्थ्य कर्मी के सामे दोहरी समस्या हे, एक त ओखर करा नौकरी के सिक्योरिटी नई हे, उहे दूसर ओर न कोनो उचित पेंशन के व्यवस्था हे। अगर काम के दैरान ओखर मृत्यु हो जावत हे, तब घलो परिवार बर कोनो बीमा कवर नई हे। प्रदेश कांग्रेस सरकार ह चुनावी घोसना पत्र म वादा करे रिहिन कि 10 दिन के भीतर अनियमित कर्मचारी मन ल नियमित करे जाही, पर ये लोगन ह अपन वादा ले मुकरत हे।
