जय जोहार…. धमतरी जिला म कोरोना (Corona) संक्रमित मरीज मन के संख्या ह सरलघा बाढ़त जावत हे। जिला म आज कोरोना के 8 नवा मरीज मिले हे। जेमा ले भखारा क्षेत्र ले 5 अऊ कोर्रा क्षेत्र ले 3 मरीज शामिल हे। एखर पुष्टि ल खंड चिकित्सा अधिकारी डॉ यूएस नवरत्न ह करे हे।
मिले जानकारी के मुताबिक सामुदायिक स्वास्थ्य केंद्र भखारा म आज 20 लोगन मन के कोरोना (Corona) जांच करे गिस, जेमा ले 7 लोगन मन ह कोरोना पाजिटिव पाय गिस। उहचे एक झन ह रानीतराई म अपन कोरोना जांच करवाय रिहिस, जेखर रिपोर्ट ह पाजिटिव आय हे।
आज भखारा क्षेत्र के ग्राम भेण्डरवनी म 42 साल के महिला, 15 साल के बालक अऊ 18 साल के युवक संक्रमित मिले हे। (Corona) उहचे ग्राम सेमरा म 45 साल के महिला अऊ 30 साल के युवक के रिपोर्ट ह पाजिटिव आय हे।
एखर आलावा कोर्रा क्षेत्र के ग्राम ग्राम पचपेड़ी म 58 साल के महिला, 63 साल के बुजुर्ग अऊ ग्राम डर्रा म 28 साल के महिला के रिपोर्ट पाजिटिव मिले हे।
