Mahasamund: ट्रक म गांजा ले जावत दू तस्कर मन पकड़ाईस, 8 क्विंटल 10 किलोग्राम गांजा करिन जब्त
जय जोहार…. (Mahasamund) ट्रक म खाली कैरेट के नीचे म रख के गांजा ले जावत दू तस्कर ल पुलिस ह गिरफ्तार करे हे। पुलिस ह आरोपी मन के करा ले 8 क्विंटल 10 किलोग्राम गांजा ल जब्त करे हे। जेखर कीमत ल 1 करोड़ 62 लाख रुपया बताए जावत हे।
मिले जानकारी के मुताबिक सरहदी थाना के प्रभारी ल मुखबिर ले सूचना मिलिस कि ओडिशा ले अवैध मादक पदार्थ गांजा के परिवहन होवइया हे। (Mahasamund) ए सूचना मिले के बाद थाना कोमाखान प्रभारी ह पुलिस टीम ल अलर्ट करिन।
चेकिंग के दौरान ओडिशा ले आवत ट्रक क्रमांक आरजे 02 जीए 5686 ल ग्राम टेमरी फारेस्ट नाका के पास रोके गिस। वाहन के तलाशी ले म खाली कैरेट के नीचे 26 बोरी म भरे 165 पैकेट खाखी रंग के झिल्ली म लिपटे गांजा मिले हे।
(Mahasamund) पुलिस ह मामला म भरतपुर, राजस्थान निवासी खालिद पिता अनवर अऊ अलवर राजस्थान निवासी साकिर हुसैन ले पूछताछ करिन। जेमा आरोपी मन ह गांजा ल भवानीपटना, ओडिशा ले दिल्ली ले जाना बताइस। पुलिस ह आरोपी मन ल गिरफ्तार कर थाना कोमाखान म धारा 20 (ख) नारोटिक एक्ट के तहत कार्रवाई करे जावत हे।
