Chhattisgarh: बैंक अऊ ट्रांसपोर्टर के बीच के समस्या के निदान बर केंद्र सरकार आघू आय, किहिस ट्रांसपोर्टर्स मन
जय जोहार…. छत्तीसगढ़ (Chhattisgarh) म लगभग सत्रह हजार गाड़ी के संचालन होथे, जेमा बस, ट्रक, टैक्सी अऊ ऑटो शामिल हे, ये फेहरिस्त म स्कूल बस घलो हे।
ये सब ऊपर लाखो मनखे के जिम्मेदारी हे, लेकिन कोविड-19 के संक्रमण के कारण ये सब विगत छह महीना ले बेरोजगारी के दंश झेले ल पड़त हे,
(chhattisgarh) ट्रांसपोर्ट व्यवसाय ले जुड़े पदाधिकारी मन आज अपन पीड़ा ल मीडिया के संग साझा करिस,
ट्रांसपोर्टर मन किहिन कि बैंक के ईएमआई तो हमन पटात हन लेकिन बैंक के द्वारा ब्याज के रकम पटाय म हमन असमर्थ हन, ये मामला के याचिका सुप्रीम कोर्ट म घलो लगे हे अऊ ओमा सुनवाई अऊ फैसला 28 सितंबर के आही।
(chhattisgarh) ओखर पहिली ट्रांसपोर्टर मन किहिन कि हमर समस्या के निदान करे म केंद्र सरकार अहम भूमिका निभा सकत हे अऊ हमन ल राहत प्रदान कर सकत हे जइसे राज्य के भूपेश सरकार ह हमर टैक्स ल माफ करिस हे। प्रेस कॉन्फ्रेंस म हरशरण साहनी, नवशरण गरचा , प्रमोद दुबे के संग ट्रांसपोर्टर मन उपस्थित रिहिन।