Raipur : अनलॉक ल ले के गाइडलाइन हो गे जारी, कलेक्टर ह जारी करिन निर्देश, पढो पूरा खबर

जय जोहार…. रायपुर (Raipur) कलेक्टर ह अनलॉक ल लेके गाइडलाइन जारी करे हे। एखर अनुसार सबो शासकीय कार्यालय ह अपन तय समय म खुलही। दुकान ल रात 8 बजे तक खोले जा सकही। उहचे पेट्रोल पंप अऊ मेडिकल ह अपन तय समय म खोले अऊ बन्द करे जा सकही।

रेस्टोरेंट अऊ होटल ले डिलिवरी रात 10 बजे तक कराये जा सकही। (Raipur) सबो कार्यालय म फिजिकल डिस्टेंसिंग अऊ मास्क के उपयोग ह जरूरी होही। उहचे हाथ धोए अऊ सेनेटाइज करे के व्यवस्था करना होही। ए निर्देश के यदि कोनो कार्यालय म अवहेलना होही, त कार्यालय प्रमुख के खिलाफ कार्रवाई करे जाही। जेखर तहत जुर्माना घलो लगाय जा सकत हे।

(Raipur) सार्वजनिक जगह म मास्क अऊ फेस कवर नई पहने म 100 रुपया जुर्माना देना होही। उहचे होम क्वारंटीन के दिशा-निर्देश के उल्लंघन म 1000 रुपया अऊ सार्वजनिक जगह म थूकने म 1000 रूपया जुर्माना देना होही। उहचे दुकानदार के तरफ ले फिजिकल डिस्टेंसिंग का पालन नई करने अऊ नियम के उल्लंघन म 200 रूपया जुर्माना लगही।