जय जोहार…. लॉकडाउन के बाद अब धीरे-धीरे ट्रेन (Train) ह पटरी म दौड़े बर तैयार हो गे हे। आज ले रेलवे ह कई ट्रेन के परिचालन ल सुरू करत हे।
दक्षिण पूर्व मध्य रेलवे रायपुर रेल मंडल म यात्री मन के सुविधा बर दुर्ग-भोपाल-दुर्ग सुपर फास्ट ट्रेन के परिचालन करही। ये ट्रेन ह अलग-अलग श्रेणी के 23 कोच के संग चलही।
ये ट्रेन (Train) ह दुर्ग स्टेशन ले शाम 6.20 बजे रवाना हो के रायपुर, बिलासपुर अऊ कटनी के रास्ता होवत हुए शुक्रवार के बिहनिया 10.30 बजे भोपाल पहुंचही। भोपाल ले ये गाड़ी ह दू अक्टूबर ले रोज दोपहर 3.40 बजे रवाना हो के अवइया दिन बिलासपुर अऊ रायपुर होवत हुए बिहनिया 7.55 बजे दुर्ग पहुंचही।
एखर आलावा दुर्ग-भुवनेश्वर-दुर्ग (Train) स्पेशल ट्रेन, खुर्दा रोड-अहमदाबाद-खुर्दा रोड स्पेशल ट्रेन, भुवनेश्वर-अहमदाबाद भुवनेश्वर साप्ताहिक स्पेशल ट्रेन, गांधीधाम-खुर्दारोड-गांधीधाम ल एक अक्टूबर ले पुरी तक चलाही।
