Raipur: गृहमंत्री ताम्रध्वज साहू ह महात्मा गांधी के जयंती म करिन नमन

जय जोहार…. (Raipur) गृहमंत्री ताम्रध्वज साहू ह शुक्रवार के राष्ट्रपिता महात्मा गांधी के 151वीं जयंती म ओ मन ल नमन करिन। प्रदेश के गृहमंत्री ताम्रध्वज साहू ह कहिन कि बापू नेता नई बलकी एक निष्काम कर्मयोगी अऊ सच्चे अर्थ म युग पुरुष रिहिन।

(Raipur) महात्मा गांधी ह अहिंसा के पुजारी रिहिन, अहिंसा अऊ सत्य के रास्ता म चल के महात्मा गांधी ह देश ल आजादी दिलाईस। बापू ह अपन पूरा जीवन देश ल समर्पित कर दिस।

गरीब शोसित के उन्नति अऊ प्रगति बर बापू ह कई सामाजिक कार्य करिन अऊ देश ल एकजुट करिन। (Raipur) बापू के विचार ह आज घलो हमर मन के मार्गदर्शन करत हे अऊ काली घलो करही। बापू सदैव शांति, अहिंसा अऊ सच्चाई के प्रतिमूर्ति के रूप म याद करे जाही।