Corona: प्रदेश म बीते 24 घंटा म सामने आय हे 2875 नवा मरीज, राजधानी म घलो 224 पाजिटिव

जय जोहार…. छत्तीसगढ़ म पिछले 24 घंटों में कोरोना (Corona) के 2875 नवा मामला के पहचान होय हे। उहचे 499 मरीज ल अस्पताल अऊ 1745 ल होम आइसोलेशन ले डिस्चार्ज कर दे गे हे। जबकि इलाज के दौरान 7 लोगन मन के मौत हो गे हे।

सोमवार के जेन कोरोना (Corona) के नवा मरीज मिले हे, ओमा जांजगीर-चांपा ले 322, रायगढ़ ले 229, रायपुर ले 224, कोरबा ले 201, राजनांदगांव ले 196, दुर्ग ले 163, बस्तर ले 143, बिलासपुर ले 131, बालोद ले 113, कांकेर ले 93, कवर्धा अऊ सुकमा ले 91-91, सूरजपुर अऊ कोंडागांव ले 85-85, बीजापुर ले 80, सरगुजा ले 78, महासमुंद ले 75, धमतरी ले 74, बलौदाबाजार ले 63, दंतेवाड़ा ले 55, कोरिया ले 48, जशपुर ले 40, बलरामपुर ले 38, मुंगेली अऊ नारायणपुर ले 36-36, गरियाबंद ले 34, बेमेतरा ले 32, गौरेला-पेंड्रा-मरवाही ले 18 नवा मरीज शामिल हे।

बता दन कि प्रदेश म कोरोना (Corona) संक्रमित मरीज मन के संख्या ह बाढ़ के 145247 पहुंच गे हे, जेमा ले 27421 एक्टिव मामला हे। उहचे 116540 लोगन मन ह बने होय के बाद अस्पताल ले अपन घर लहुट चुके हे। ए वायरस ले प्रदेश म अब तक 1286 लोगन मन के मौत हो गे हे।