Chhattisgarh: कांग्रेस सरकार म अपराध के ग्राफ तेजी ले बाढ़त हे, प्रदेश के जम्मो मन म भय के वातावरण- राजेश मूणत
जय जोहार…. प्रदेश (Chhattisgarh) के बदहाल कानून अऊ सुरक्षा व्यवस्था ल ले के भाजपा प्रदेश प्रवक्ता राजेश मूणत ह राज्य के कांग्रेस सरकार म जोरदार हमला करे हे। वो हा कहिन कि पूरा सरकार ह सिरिफ धंधा-पानी म लगे हुये हे।
प्रदेश के कानून व्यवस्था ह पूरा तरह चौपट हो गे हे। अपराधिक प्रवृत्ति के लोगन मन ह सीना तान के खुलेआम घूमत हे। अपराधिक तत्व म प्रशासनिक भय नाम के कोनो चीज दिखाई नई देवत हे। कोनो संरक्षण के बिना अईसे संभव घलो नई हे।
भाजपा प्रदेश (Chhattisgarh) प्रवक्ता राजेश मूणत ह कहिन कि प्रदेश म 15 साल तक जन आशीर्वाद ले भाजपा के सरकार घलो रिहिन, लेकिन अपराधिक प्रवृत्ति के लोगन मन ह सर उठा के घूमे के हिमाकत नई करत रिहिन, लेकिन कांग्रेस सरकार के सत्ता म आवत ही ए अपराधिक तत्व के लोगन मन के हौसला बुलंद हो गे हे। राजधानी के हृदयस्थल जयस्तंभ चौक म खुलेआम चाकूबाजी, चैन स्नैचिंग जइसे वारदात ल बेखौफ अंजाम देवत हे।
भाजपा प्रदेश (Chhattisgarh) प्रवक्ता राजेश मूणत ह कहिन कि कांग्रेस के सरकार छत्तीसगढ़ जईसे शांत अऊ संवेदनशील प्रदेश ल कोन दिशा के ओर ले जाना चाहत हे। पूरा प्रदेश ह आरजकता, दूराचार अऊ अनाचार, लूट खसौट, चोरी, डकैती जइसे अपराधिक कृत्य के दलदल म फंसत जावत हे। प्रदेश के कांग्रेस सरकार ल तुरंत प्रभाव ले प्रदेश के कानून व्यवस्ता अऊ बहन-बेटी के सुरक्षा ल सुनिश्चित करना चाही।
