Korea: मनरेगा म 100 दिवस के रोजगार दे म कोरिया जिला ह पूरा प्रदेश म अव्वल, पढो पूरा खबर

जय जोहार…. मनरेगा म श्रमिक परिवार मन ल बीते माह सितंबर म 100 दिन के रोजगार दे म कोरिया (Korea) जिला ह पूरा प्रदेश म पहिला स्थान प्राप्त करे हे। राज्य के तरफ ले जारी एमआईएस रिपोर्ट के अनुसार कोरिया जिला के बाद रायपुर, रायगढ़, सूरजपुर अऊ गौरेला-पेंड्रा-मरवाही जिला शामिल हे।

कोरिया (Korea) जिला म अलग-अलग गांव म रहवइया पंजीकृत मनरेगा श्रमिक के 978 परिवार मन ह सितम्बर महिना म 100 दिन ले जादा के रोजगार प्राप्त करे हे। जिला म बीते माह के दौरान 100 दिन के रोजगार प्राप्त करे के बाद 100 दिन अकुशल श्रम गारंटी पवइया कुल परिवार मन के संख्या ह अब 3166 हो चुके हे।

(Korea) कलेक्टर सत्यनारायण राठौर ह उपलब्धि म सीईओ जिला पंचायत तूलिका प्रजापति अऊ पूरा मनरेगा के टीम ल बधार् प्रेषित करे हे। कलेक्टर ह कहिन कि कोरिया जिना के प्रथम स्थान म आना बेहद खुशी के बात हे। जिला के श्रमिक परिवार मन ल रोजगार उपलब्ध कराये के निरन्तर प्रयास के ही ये परिणाम हे।