Chhollywood : 21 अक्टूबर के रिलीज होवइया हे रोमांटिक एल्बम प्यार-प्यार, छत्तीसगढ़ी गीत ल लिखे हे सुनील सागर

जय जोहार….(Chhollywood) लेखक,गीतकार अऊ फिलिम निर्देशक सुनील सागर के रोमांटिक एल्बम प्यार-प्यार ह 21 अक्टूबर के रिलीज होवइया हे। दिसार्थ फिल्म्स के बैनर तले ए एल्बम के शूटिंग होय हे। एमा एल्बम स्टार गौरव सिन्हा अऊ हेमा शुक्ला ह अभिनय करे हे।

छालीवुड (Chhollywood) के नाम ले मशहूर छ्त्तीसगढ़ी गीत, फिलिम के प्रदर्शन ह यू ट्यूब चेनल म सरलघा होवत रहिथे। कई नवा प्रतिभाशाली कलाकार मन ल इहीं माध्यम ले पहचान मिलथे। छत्तीसगढ़ी एल्बम के ए कड़ी म एक नाम गौरव सिन्हा के तेजी ले उभरत हे।

अपन पहिली एल्बम दीवाना ले जी म्यूजिक छत्तीसगढ़ी ले गौरव सिन्हा के एंट्री होय हे। उहचे अब सुनील सागर के गीत अऊ निर्देशन म गौरवा के नवा एल्बम प्यार-प्यार फेर जी म्यूजिक म अवइया हे। (Chhollywood) 21 अक्टूबर के गौरव के जन्मदिन घलो हे। ये नाव ले एल्बम ह अपन आप मन म खास हे। एमा नायिका हे कई फिलिम अऊ एल्बम म अपन हुनर दिखा चुके नायिका हेमा शुक्ला।

ए दुनो के जोड़ी ह जबरदस्त जमे हे। ए एल्बम म आवाज दे हे प्रतिभाशाली गायक रोशन वैष्णव अऊ गायिका श्रद्धा मंडल हे। ए एल्बम के क्रिएटिव डायरेक्ट क्रांति कुमार सिन्हा, कैमरामेन डीओपी देवाशीष मोइत्रा, डांस डायरेक्टर विनय कौशिक, एडिट कलरिंग आद्या फिल्म्स बिलासपुर के तरफ ले होय हे। ए एल्बम के निर्माता हे तुशान्त कुमार दिसार्थ फिल्म्स।