जय जोहार…. (Dhamtari) शासकीय प्राथमिक शाला उड़ेना म प्रधानपाठक मनोज कुमार साहू के तरफ ले हरेक रविवार के सबो वालिंटियर शिक्षक मन ल भाषा अऊ गणित विषय म दे प्रशिक्षण दे गे हे।
इहीं कड़ी म आज अजीम प्रेमजी फाउंडेशन शंकरदाह धमतरी के सहयोग ले भाषा शिक्षण म गुणवत्ता युक्त शिक्षा प्रदान करे बर नरेंद्र, मुकेश के तरफ ले बिहनिया 8 बजे ले 11 बजे तक लईका मन ल भाषायी कौशल के विकास कईसे करे जाए, पुस्तकालय के उपयोग, चित्र म शिक्षण, पोस्टर निर्माण, लईका मन ह स्वयं पुस्तक के निर्माण कईसे करे, कविता पट्टी म चर्चा समेत आन बिन्दु म अपन संस्था ले शिक्षण सामग्री उपलब्ध करा के प्रशिक्षण प्रदान करे गिस।
इसके बाद गांव म चलत (Dhamtari) सीख कार्यक्रम के सबो वॉलिंटियर शिक्षक ल सीख पिटारा के वितरण करे गे हे। ए दौरान सबो 13 वॉलिंटियर शिक्षक मन ल गांव के सरपंच नेहा सदानंद साहू, उपसरपंच खम्भन लाल साहू, अध्यक्ष भोजलाल साहू, पवन नवरंगे, उपाध्यक्ष खिलावन चंद्राकर के आतिथ्य म सीख पिटारा के वितरण करे गिस। कार्यक्रम के संचालन प्रधानपाठक मनोज कुमार साहू ह करिन।
ए अवसर म अजीम प्रेमजी फाउंडेशन ले नरेंद्र, मुकेश, पंचायत प्रतिनिधि लालाराम ध्रुव, विष्णु चंद्राकर, तुकेश्वरी साहू, राधा गायकवाड़, कुमारी बाई धृतलहरे समेत शाला के पदाधिकारी ह उपस्थित रिहिन।
ए दौरान (Dhamtari) सरिता साहू ,रीना कंवर , वाणी साहू , चुमेश्वरी बघेल , कला जांगड़े , सरिता चंद्राकर, युगेश्वरी ध्रुव , सरस्वती कंवर , खुशी गोस्वामी , डोमेश्वरी ध्रुव , यमुना साहू , उर्वशी साहू ,हितेंद्र साहू , गिरीश साहू ल सीख पिटारा प्रदान करे गे हे।
