Chhollywood: घिर गे रिहिस प्रशंसक मन ले जब शशी रंगीला, गिरौदपुरी पहुंचे रिहिस शूटिंग बर
जय जोहार…. (Chhollywood) छत्तीसगढ़ के सुपर गायक अऊ सतनामी समाज के लोकप्रिय कलाकार शशी रंगीला जब शूटिंग बर संत शिरोमणी बाबा गुरु घांसीदास के धाम गिरौदपुरी गिस त उंहा ओला ओखर प्रशंसक मन घेर के जम के सेल्फी लिन,
(Chhollywood) छत्तीसगढ़ के जाने माने गायक शशी रंगीला अभी अपन अवैयया गीत के शूटिंग म व्यस्त हे, जेखर बर ओमन गिरौदपुरी आय रिहींन, इंहा ओमन ह किहींन कि सतनाम पंत ह सब्बो ल सच के रद्दा म चले के आग्रह करथे उही बात हमर ये अवैयया गीत म केहे गे हे,
छत्तीसगढ़ म अवैयया महीना म बाबा जी के जन्मोत्सव हे जेला ले के हमर समाज के लोगन मन म अति उत्साह रहीथे, अऊ ये बाबा के कृपा हे कि ऊंखर बखान करे के मौका मोला गीत के माघ्यम ले मिलथे , (Chhollywood) संगे संग में ह सब्बो सामाजिक लोगन मन के घलो आभार व्यक्त करथों जेन मन मोर आवाज अऊ गीत ल कई साल ले पसंद करत हें,
छत्तीसगढ़ गीत के शूटिंग म निर्देशक दीपक कुर्रे, कैमरामेन दीपक बावनकर, तामेश रिहींन ऊंखर संग सहयोग म राहुल साहू, रितेश चौहान, सरोज कुर्रे के संग समाज के लोगन मन बड़ संख्या म रिहींन।
