Chhollywood: सैकड़ो छत्तीसगढ़ी गीत मन म अभिनय करे के बाद भी पहिली प्राथमिकता कर्मा गीत ल ही – राम यादव

जय जोहार…. ( Chhollywood) छत्तीसगढ़ के जाने माने अभिनेता राम यादव के पहिली पसंद हे कर्मा गीत काबर की राम यादव ल पारंपरिक गीत म अभिनय करे म महारथ हासिल हे, अभी तक राम ह सात आठ फिलिम अऊ हजारो गीत म नृत्य निर्देशन अऊ अभिनय करे हे,

बता दन कि राम ह अभी तक सबले ज्यादा कर्मा गीत ही करे हे, ऊंखर फिलिम मन म घलो दर्शक मन ओमन ल खूब पसंद करे हे, अभी जेन (Chhollywood) गीत के शूटिंग राम ह करत हे वहू ह एक कर्मा गीत हे जेमा ऊंखर अपोजिट हिना यादव ह अभिनय करे हे, जल्द ही ये गीत यू टयूब म रिलीज होही,

राम यादव के ये कर्मा गीत के बोल हे “तोर मोर मया जोरदार,सेमिनार कस लपटे” जेखर शूटिंग बागबाहरा अऊ नवा गांव म करे गे हे, राम यादव ह खुद ये गीत के नृत्य निर्देशन करे हे,

(Chhollywood) ये गीत के निर्देशक दीपक कुर्रे ह किहींन कि अगर कर्मा गीत के निर्माण बने ढंग ले करना हे त राम यादव ले अच्छा अभिनेता कोनो नई हे।