Chhattisgarh: किसान ह 15 दिसंबर तक करा सकही रबी फसल के बीमा, पढो पूरा खबर

जय जोहार…. (Chhattisgarh) प्रधानमंत्री फसल बीमा योजना रबी 2020-21 के तहत रबी फसल के प्रतिकूल मौसम सूखा, बाढ़, कीट व्याधि, ओलावृष्टि, प्राकृतिक आपदा ले होवइया नुकसान ले बचे बर किसान मन ह 15 दिसंबर तक बीमा करा सकथे। प्रधानमंत्री फसल बीमा योजना के तहत ऋणी अऊ अऋणी किसान ह जेन भूधारक अऊ बटाईदार हो शामिल हो सकथे।

(Chhattisgarh) प्रधानमंत्री फसल बीमा योजना के तहत ऋणी किसान ह एच्छिक आधार म फसल बीमा ल करा सकत हे। किसान ल तय प्रपत्र म हस्ताक्षरित घोसना पत्र बीमा के आखिरी तारिख 15 दिसंबर के 7 दिन पूर्व संबंधित बैंक म अनिवार्य रूप ले जमा करे ल होही।

अधिसूचित फसल उगाय वाला सबो गैर ऋण किसान ह जेन योजना म सम्मिलित होय के इच्छुक हे, ओ हा बुआई पुष्टि प्रमाण पत्र क्षेत्रीय पटवारी या ग्रामीण कृषि विस्तार अधिकारी के तरफ ले सत्यापित अऊ अन्य दस्तावेज प्रस्तुत कर योजना म सम्मिलित हो सकत हे।

(Chhattisgarh) रबी फसल बर 1.5 प्रतिशत कृषक प्रीमियम राशि निर्धारित हे। जेखर तहत कृषक ल प्रति हेक्टेयर चना फसल बर 487 रुपया, सिंचित गेहूं के प्रति हेक्टेयर फसल बर 506 रुपया प्रीमियम दे ल होही। गेहूं असिंचित बर फसल बर 304 रुपया अऊ अलसी फसल बर 190 रुपया प्रति हेक्टेयर के दर ले प्रीमियम देय होही।