Raipur: सीएम भूपेश बघेल ह दाई-दीदी क्लीनिक ल हरी झण्डी दिखा के करिन रवाना, पढो पूरा खबर

जय जोहार…. (Raipur) सीएम भूपेश बघेल ह आज पूर्व प्रधानमंत्री स्व. इंदिरा गांधी के जयंती म महिला मन बर दाई-दीदी क्लीनिक के शुभारंभ करिन। ए दौरान सीएम बघेल ह पायलेट प्रोजेक्ट के रूप म रायपुर, दुर्ग-भिलाई अऊ बिलासपुर नगर निगम क्षेत्र बर 3 स्पेशल मोबाइल दाई-दीदी क्लीनिक ल अपन निवास ले हरी झण्डी दिखा के रवाना करिन।

(Raipur)ए दौरान सीएम बघेल ह मोबाइल क्लीनिक के अंदर जा के उपलब्ध सुविधा के अवलोकन घलो करिन अऊ अपन ब्लड प्रेशर के जांच कराइस। ए दाई-दीदी स्पेशल क्लीनिक म डॉक्टर समेत सबो चिकित्सकीय स्टाफ महिला ह होही अऊ सिरिफ महिला मन के ही मुफ्त इलाज करे जाही।

ए अवसर म सीएम बघेल ह कहिन कि दाई-दीदी क्लीनिक ह देश म अपन तरह के पहिला क्लीनिक हे, जेन केवल महिला मन के इलाज करही। वर्तमान म एला रायपुर (Raipur), दुर्ग-भिलाई अऊ बिलासपुर निगम क्षेत्र म मुख्यमंत्री शहरी स्लम स्वास्थ्य योजना के अंतर्गत पायलेट प्रोजेक्ट के रूम म सुरू करे गे हे अऊ आगू एखर विस्तार करे जाही।