Chhollywood: जयेश ह फिलिम प्रेम युद्ध म नायक के भूमिका म आही नजर, जल्दी सुरू होवइया हे फिलिम के शूटिंग
जय जोहार। (Chhollywood) फिलिम प्रेम युद्ध के विगत गुरुवार के रायगढ़ के सत्य नारायण बाबा धाम में मुहूर्त होइस। ए फिलिम म नायक के भूमिका म जयेश ह रोमांस, दमदार एक्शन करत नजर आही। एखर अपोजिट अभिनेत्री वीना सेंद्रे नजर आही। उहचे खलनायक के किरदार ल बिलासपुर निवासी अजय पटेल ह निभाही।
ए फिलिम बर काफी दिन ले जयेश ह तैयारी करत रिहिन। फिलिम म किरदार ल देखत हुये अपन वजन ल कम अऊ लुक घलो चेंज करे हे। (Chhollywood) ए फिलिम के शूटिंग ह जल्दी सुरू होवइया हे। ये छ्त्तीसगढ़ी फिलिम ह राधेय एंटरटेनमेंट हाउस के बैनर तले बनइया हे।
जयेश ह बताईस कि ये एक एक्शन थ्रिलर फिलिम हे।
ए फिलिम के कहानी ह आम छत्तीसगढ़ी फिलिम ले हट के हे। फिलिम प्रेजेंटेशन घलो अच्छा लेवल म करे के कोशिश रही। ए फिलिम के डायरेक्टर सुमित मिश्रा हे। वो हा बताइस कि (Chhollywood) फिलिम के फिल्मांकन ल रायगढ़ के हसीन वादियो म करे जाही। गाना के फिल्मांकन संभवत लद्दाख अऊ अंडमान निकोबार म करे जाही। फिलिम म कोरियाग्राफी चंद्रमोहन मूर्ति ह करही।
