जय जोहार…. छत्तीसगढ़ म पिछिले 24 घंटा म कोरोना (Corona) के 1421 नवा मामला मिले हे। उहचे 978 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 9 लोगन मन के मौत हो गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 188, बिलासपुर ले 131, जांजगीर-चांपा ले 126, दर्ग ले 117, महासमुंद ले 107, राजनांदगांव ले 104, बालोद ले 73, रायगढ़ ले 71, बलौदाबाजार ले 62, कोरबा ले 56, सरगुजा ले 51, धमतरी ले 48, गोंडागांव ले 36, सूरजपुर ले 34, कबीरधाम अऊ जशपुर ले 27-27 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 51 हजार 120 हो गे हे। जेमा ले 19 हजार 778 एक्टिव मामला हे। उहचे 2 लाख 28 हजार 304 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3038 लोगन मन के मौत हो गे हे।
