जय जोहार…. (Chhollywood) रायगढ़ के प्रसिद्ध जोड़ी करण अऊ किरण दुनो ह भाई अऊ बहिनी हे। दुनो ल डांस म महारथ हासिल हे। एवीएम स्टूडियो के वीडियो डायरेक्टर दीपक कुर्रे ह हमेशा ले नवा कलाकार मन ल मऊका दे बर जाने जावत हे. वो हा जब यू ट्यूब म करण अऊ किरण के परफार्मेंस ल देखिन, त ओ मन ल अपन गीत म काम करे बर रायपुर बुलाइस।
करण अऊ किरण ह दीपक कुर्रे के बात ल मान के दू गीत के शूट करिन, जेमा कर्मा गीत ह खास हे। बागबाहरा के हसीन वादी म ए गीत ल शूट करे गे हे। गीत म दुनो भाई अऊ बहिनी ह बेजोड़ अभिनय करे हे। (Chhollywood) बता देन कि ए गीत के कोरियोग्राफी ल राम यादव ह करे हे अऊ ड्रेस डिजाईन के संग मेकअप ल अंजू उरांव ह करे हे। ए गीत म केमरा ल आपरेट करे हे दीपक बावनकर ह।
निर्देशक दीपक कुर्रे ह बताइस कि दुनो ह कमाल के अभिनय करे हे। (Chhollywood) दुनो के डांस ल देख के कोनो नई कह सकत हे कि ये दुनो ह भाई अऊ बहिनी हे। ए गीत के शूट म मार्गदर्शन एवीएम के संस्थापक संतोष कुर्रे के रिहिन। संगेसंग रितेश चौहान अऊ सरोज कुर्रे के बिसेस सहयोग रिहिन।
