Chhollywood: गुरु बाबा के महिमा गीत हो गे प्रदर्शित, आरती बारले ह दे हे स्वर, पढ़ो पूरा खबर

जय जोहार…. (Chhollywood) छत्तीसगढ़ के लोक गायिका आरती बारले के गीत प्रदर्शित हो गे हे। जेखर नांव गुरु बाबा के महिमा हे। गीत तोर पूजा करों दिन राती म लोक गायिका आरती बारले के आवाज हे। ये गीत ल एवीएम गाना के यू ट्यूब चेनल म देखे जा सकत हे।

लोक गायिका आरती बारले ह कई साल ले गीत गात आत हे। ओ मन ह किहिन कि जब तक ऊंखर कंठ ले आवाज निकलही, (Chhollywood) तब तक बाबा के जयकारा अऊ गीत गात रहूँ, एखर पहिली घलो आरती बारले के स्वर ले सैकड़ो गीत बने हे, जेला आज भी सामाजिक कार्यक्रम मन म सुने अऊ देखे जात हे।

बता दन कि (Chhollywood) ये गीत म निर्देशन करे हे दीपक कुर्रे ह। रूपसज्जा के काम अंजू उरांव ह देखे हे। तकनीकी पक्ष म रिहींन दीपक बावनकर , रितेश चौहान अऊ सरोज कुर्रे ह।