chhollywood: सैकड़ो गीत ल शूट कर चुके राजू देवदास ल इंतजार हे एक फिलिम के, जल्दी सुरू होही शूटिंग

जय जोहार…. (chhollywood) राजू देवदास ह अब तक सैकड़ो गीत अऊ शार्ट फिलिम म कैमरा ल चलाय हे, जेन आप मन ल यु ट्यूब म देखे ल मिल जाही। राजू ह बताईस कि ओ मन ल सफल कैमरामैन बने बर एक फिलिम के इंतजार रिहिन, जेन ह जल्दी पूरा होवइया हे।

बता देन कि (chhollywood) राजू देवदास ह साल 2005 ले फिलिम लाइन म काम करे ल सुरू करे रिहिन, जेन ह अनवरत जारी हे। लॉकडाउन म काम के दिक्कत त सबो ल रिहिन, ओ समय घलो राजू देवदास ह कैमरा चलया के नवा-नवा तकनीक ल सीखे हे, जेला ओ ह अपन अवइया फिलिम म प्रयोग करही।

राजू देवदास ह बताइस कि फिलिम तकनीक म रोजाना बदलाव होवत हे, (chhollywood) ओ मन ल सीखत रहना चाही, तभी आप मन ह समय के अनुसार काम कर पाही। एखर बर वो हा किताब पढ़िन अऊ ओमा अमल घलो करिन। अभी राजू ह कोरियोग्राफर चंदन दीप, राम यादव के संग कई कंपनी के गाना शूट करे म व्यस्त हे।