Corona: देश म बीते 24 घंटा म बाढ़ गे 23 हजार ले जादा नवा मरीज, पढो पूरा खबर

जय जोहार…. (Corona) देश म बीते 24 घंटा म कोरोना के 23 हजार ले जादा नवा मरीज ह सामने आय हे। उहचे 26895 संक्रमित मन ल बने होय के बाद अस्पताल से छुट्टी दे दे गे हे। जबकि इलाज के दौरान 333 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना(Corona) के 23950 नवा मरीज मिले हे। एला मिला के देश म कोरोना संक्रमण के मामला ह बाढ़ के 1 करोड़ 99 हजार 66 हो गे हे। जेमा ले 2 लाख 89 हजार 440 एक्टिव मामला हे।

उहचे 96 लाख 63 हजार 382 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 46 हजार 444 लोगन मन के मौत हो गे हे।