Corona: प्रदेश म बीते 24 घंटा म पाय गे हे 1232 नवा मरीज, राजधानी म घलो 119 पाजिटिव
जय जोहार…. (Corona) छत्तीसगढ़ म बीते 24 घंटा म कोरोना के 1232 नवा मामला पाय गे हे। उहचे 1426 संक्रमित ल बने होय के बाद अस्पताल ले छुट्टी दे दे गे हे। जबकि इलाज के दौरान 19 लोगन मन के मौत हो गे हे।
पिछिले 24 घंटा म कोरोना (Corona) के जेन नवा मरीज मिले हे, ओमा जांजगीर-चांपा ले 122, रायपुर ले 119, बिलासपुर ले 106, दुर्ग ले 87, रायगढ़ ले 86, राजनांदगांव ले 82, सूरजपुर ले 71, धमतरी ले 67, महासमुंद ले 60, सरगुजा ले 54, बालोद ले 52, कोरबा ले 46, कोरिया ले 35, बलौदाबाजार ले 30, बलरामपुर अऊ जशपुर ले 28-28, कोंडागांव ले 27 मरीज शामिल हे।
बता देन कि प्रदेश म कोरोना (Corona) संक्रमण का मामला 2 लाख 72 हजार 424 हो गे हे। जेमा ले 15 हजार 153 एक्टिव मामला हे। उहचे 2 लाख 54 हजार 24 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3249 लोगन मन के मौत हो गे हे।
