Chhattisgarh: रेडियो म आज प्रसारण होही हमर ग्रामसभा कार्यक्रम, पंचायत मंत्री देही श्रोता मन के सवाल के जवाब

जय जोहार…. (Chhattisgarh) रेडियो म आज रविवार के हमर ग्राम सभा कार्यक्रम के प्रसारण ल करे जाही। ए कार्यक्रम म पंचायत मंत्री टीएस सिंहदेव ह वाट्सएप के माध्यम ले श्रोता मन के सवाल के जवाब देही।

ए कार्यक्रम के प्रसारण ल रेडियो म शाम 7.30 बजे ले 8 बजे तक करे जाही। (Chhattisgarh) ए दौरान पंचायत मंत्री सिंहदेव ह राज्य सरकार के नीति, योजना अऊ कार्यक्रम के बारे म श्रोता मन के जिज्ञासा के समाधान घलो करही।

ए कार्यक्रम ल मीडियम वेब 981 किलोहर्ट्ज म सुने जा सकत हे। (Chhattisgarh) प्रदेश म स्थित आकाशवाणी के सबो केंद्र ह एक संग हमर ग्रामसभा कार्यक्रम ल प्रसारित करही।