Corona: देश म बीते 24 घंटा म सामने आय हे 20 हजार ले जादा नवा मामला, पढो पूरा खबर

जय जोहार…. (Corona) देश म बीते 24 घंटा म कोरोना के 20 हजार ले जादा नवा मरीज मिले हे। उहचे 26572 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 286 संक्रमित के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 20550 नवा मामला मिले हे। एला मिला के कोरोना संक्रमण के मामला ह 1 करोड़ 2 लाख 77 हजार 853 हो गे हे।

जेमा ले 2 लाख 62 हजार 272 एक्टिव मामला हे। उहचे 98 लाख 34 हजार 141 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 48 हजार 439 लोगन मन के मौत हो गे हे।