Chhollywood: छत्तीसगढ़ी फिलिम राजा भईया एक आवारा काली ले रायपुर के राज सिनेमा म होवइया हे रिलीज, पढो पूरा खबर

जय जोहार…. (Chhollywood) छत्तीसगढ़ी फिलिम राजा भईया एक आवारा ह नवा साल के पहिली तारिख ले एक बार फेर रिलीज होवइया हे। ये फिलिम ह राजधानी रायपुर के राज सिनेमा म प्रदर्शित होही। ए फिलिम के निर्माता अऊ निर्देशक इरफान खान हे।

(Chhollywood) राजा भईया फिलिम ल दर्शक मन के प्यार मिले हे। एखर सती एक बार फेर ए फिलिम ह काली ले दर्शक मन के बीच राज सिनेमा म रिलीज होही। सुपर स्टार अनुज शर्मा अऊ तान्या तिवारी अभिनीत ए फिलिम म जन्माष्टमी के गीत ल खूब पसन्द करे गे रिहिन।

नवा साल के पहिली दिन शुक्रवार ले राज सिनेमा म राजा भईया प्रदर्शित होवत हे। (Chhollywood) एखर पहिले ये फिलिम ह श्याम सिनेमा म लगे रिहिन। ए फिलिम म सीमा सिंह, इरफान खान, एलिना, भानुमति कोसरे, लाभांश तिवारी,रजनीश झांझी, निशांत उपाध्याय और नैनी तिवारी समेत ढेर सारा कलाकार मन ह अभिनय करे हे।