जय जोहार…. (chhattisgarh) छत्तीसगढ़ पाठ्य पुस्तक निगम के अध्यक्ष शैलेष नितिन त्रिवेदी ह निगम के काम संभाले के बाद अपन पहिले विस्तृत बयान म कहिन कि मुख्यमंत्री भूपेश बघेल के मंशा के अनुसार निगम ह स्कूली लईका मन ल मुफ्त मिलइया किताब के उत्कृष्टता बढ़ाय के ओर बढ़त हे।
एखर संगेसंग निगम ह क्वालिटी अऊ किफायत दुनो ल संग लेके चलत हे। ए निगम के अध्यक्ष श्री त्रिवेदी ह कहिन कि ए बार किताब के कागत ह बीते बरस के मुकाबला बेहतर रही, ताकि सरकारी स्कूल के लईका मन ल घलो जादा सफेद कागज म छपी किताब ह मिले। एखर संगेसंग ए कागज म आर-पार झांई घलो कम रही।
वो हा बताईस कि (chhattisgarh) ए वर्ष तीन टेंडर, कागज खरीदी, पुस्तक छपाई अऊ आन अलग-अलग छापी हो चुके हे अऊ स्थानीय जीएसटी पंजीयन के शर्त सती राज्य शासन ल जीएसटी के रूप म एक बड़ा राशि प्राप्त होही। अब तक ये शर्त ह नई रिहिन। पर्यावरण के हित म ए साल निगम ह वर्जिन पेपर के बजाय ब्यूरो आफ इंडियन स्टैंडर्ड के मापदंड के मुताबिक कागज के उपयोग के निर्णय ले हे। पर्यावरण के हित में इस वर्ष निगम ने वर्जिन वुड पेपर के बजाय ब्यूरो ऑफ इंडियन स्टैंडर्ड के मापदंड के अनुसार कागज के उपयोग का निर्णय लिया है।
पिछिले बरस म अलग-अलग मुद्रण के तहत सालाना करीब 100 करोड़ के काम निगम के तरफ ले होवत रिहिन, ए साल एखर कीमत ह काफी कम होय हे, जेखर ले पिछिले साल जतना काम होय म 10 से 20 करोड़ रुपया के बचत होही।
5 फर्म ल पाठ्य पुस्तक निगम ह डाले हे काली सूची म : (chhattisgarh) पाठ्यपुस्तक निगम ह पांच फर्म मेसर्स टेक्नो प्रिंट्स रायपुर, मेसर्स प्रगति प्रिंटर्स रायपुर, मेसर्स रामराजा प्रिंटर्स रायपुर, मेसर्स श्रीराम प्रिंटर्स, मेसर्स शारदा ऑफसेट प्रिटर्स प्रा.लिमि. ल काली सूची म डाले के निर्णय ले हे।
