Chhattisgarh: गणतंत्र दिवस म विधानसभा अध्यक्ष डॉ चरणदास महंत ह जांजगीर-चांपा म ध्वजारोहण कर परेड के लेही सलामी, पढो पूरा खबर
जय जोहार…. (Chhattisgarh) गणतंत्र दिवस के अवसर म सीएम भूपेश बघेल ह बस्तर जिला मुख्यालय जगदलपुर म ध्वजारोहण करही। उहचे विधानसभा अध्यक्ष डॉ चरण दास महंत ह जांजगीर-चांपा जिला म ध्वजारोहण कर परेड के सलामी लेही। राज्य के सामान्य प्रशासन विभाग के तरफ ले प्रदेश के जिला मुख्यालय म ध्वजारोहण करइया मुख्य अतिथि मन के सूची ल जारी कर दे गे हे। 26 जनवरी गणतंत्र दिवस समारोह म ए बार ध्वजारोहण बर मंत्री के संगेसंग संसदीय सचिव ल मुख्य अतिथि बनाए गे हे।
गृहमंत्री ताम्रध्वज साहू ह महासमुंद म, पंचायत मंत्री टीएस सिंहदेव ह बलौदाबाजार-भाटापारा म, कृषि मंत्री रविंद्र चौबे ह दुर्ग म, स्कूल शिक्षा मंत्री डॉ प्रेमसाय सिंह टेकाम ह कोरबा म, वन मंत्री मोहम्मद अकबर ह राजनांदगांव म, उद्योग मंत्री कवासी लखमा ह कांकेर म ध्वजारोहण कर के परेड के सलामी लेही।
प्रदेश (Chhattisgarh) के नगरीय प्रशासन मंत्री डॉ शिवकुमार डहरिया ह सरगुजा म, महिला अऊ बाल विकास मंत्री अनिला भेंड़िया ह रायगढ़ म, लोक स्वास्थ्य यांत्रिकी मंत्री गुरु रुद्रकुमार ह नारायणपुर म, राजस्व मंत्री जयसिंह अग्रवाल ह गौरेला-पेंड्रा-मरवाही म, उच्च शिक्षा मंत्री उमेश पटेल ह बिलासपुर म अऊ खाद्य मंत्री अमरजीत भगत ह बालोद म ध्वजारोहण कर परेड के सलामी लेही।
प्रदेश (Chhattisgarh) के संसदीय सचिव यूडी मिंज ह बलरामपुर, विकास उपाध्याय ह बेमेतरा म, रेखचंद्र जैन ह बीजापुर म, इंद्र शाह मंडावी ह दंतेवाड़ा म, चंद्रदेव प्रसाद राय ह धमतरी म, विनोद सेवनलाल चंद्राकर ह गरियाबंद म, चिंतामणी महाराज हर जशपुर म, द्वारिकाधीश यादव ह कबीरधाम म, कुंवर सिंह निषाद ह कोण्डागांव म, गुरुदयाल सिंह बंजारे ह कोरिया म, सुश्री शकुंतला साहू ह मुंगेली म, शिशुपाल सोरी ह सुकमा म अऊ डॉ रश्मि आशीष सिंह ह सरगुजा जिला मुख्यालय म आयोजित गणतंत्र दिवस मुख्य समारोह म ध्वजारोहण कर परेड के सलामी लेही।
